မီနူး

Sciatica (ခါးကြောညပ်ခြင်း)( December, 2022)

ခါးကြောညပ်ခြင်း(Sciatica)

ခါးကြောညပ်တယ်ဆိုတာ ကျောရိုးဆစ်ကနေထွက်လာတဲ့ အာရုံကြောတစ်ခုဖြစ်တဲ့ Sciatic nerve ဒဏ်ဖြစ်တာပါ။

အာရုံကြောက နောက်ကျောဘက်ကနေ တင်ပဆုံရိုး၊တင်ပါးတို့ကိုဖြတ်ပြီး ပေါင်အနောက်၊ခြေသလုံးအနောက်အထိဆင်းတာပါ။ Sciatic nerve ထိခိုက်မိပါက သူသွားရာလမ်းကြောင်းတစ်လျှောက်လုံးနာကျဥ်မှုခံစားရပါလိမ့်မယ်။

ဘယ်လိုလဏ္ခဏာတွေရှိမလဲ?

အာရုံကြောလမ်းကြောင်းတစ်လျှောက် သိပ်မပြင်းထန်ဘဲ နည်းနည်းနာတာကနေ အရမ်းစူးစူးပြီးနာတာအထိဖြစ်နိုင်ပါတယ်။ တစ်ခါတစ်ရံ ဓာတ်လိုက်မိသလိုလည်း ဖြစ်တတ်ပါတယ်။

ချောင်းဆိုးရင်၊ နှာချေရင်၊ မတ်တပ်အကြာကြီးရပ်ပြီးရင် နာတာပိုဆိုးတတ်ပါတယ်။

ခြေသလုံးနဲ့ ခြေဖဝါးမှာ ထုံခြင်း၊ ရောင်ခြင်း၊ကြွက်သားအားနည်းခြင်းများလည်းဖြစ်နိုင်ပါတယ်။

(ခြေထောက်တစ်ဖက်ကနာနေပြီး ကျန်တစ်ဖက်က ထုံနေတာလည်းဖြစ်နိုင်ပါတယ်)

တခြားလက္ခဏာတွေကတော့…
– ခါးနောက်မှနာနေခြင်း
– ခြေထောက်မမြှောက်နိုင်ခြင်း
– လမ်းလျှောက်ရခက်ခြင်း
– မတ်တပ်မရပ်နိုင်ခြင်းတို့ ဖြစ်တတ်ပါတယ်။

အများအားဖြင့်တော့ ခါးကြောညပ်တာက တစ်ဘက်တည်းမှာပဲ ဖြစ်တတ်တာပါ။ အာရုံကြောဘယ်နေရာထိခိုက်မိတယ်ပေါ်မူတည်ပြီး ခြေဖဝါး၊ခြေချောင်းလေးတွေအထိပါနာတတ်ပါတယ်။

ဘယ်လိုလက္ခဏာတွေပြရင်သတိထားရမလဲ?

တစ်ချို့လူတွေက ကုသမှုတောင်မလိုဘဲ သူ့ဘာသာပျောက်ပြီး ၊ တစ်ချို့က အောက်ဖော်ပြပါလက္ခဏာတွေဆက်ပြတတ်ပါတယ်

• ဖျားပြီးနောက်ကျောနာနေခြင်း

• ကျောရိုး(သို့)နောက်ကျောနေရာတွင်နီပြီးရောင်နေခြင်း

• ခြေထောက်မကြွနိုင်ခြင်း

• ပေါင်၊တင်ပဆုံနား၊တင်ပါးထုံနေခြင်း

• ဆီးသွားချိန်တွင်ပူစပ်စပ်ကဲ့သို့ခံစားရခြင်း

• ဆီးသွားလျှင်သွေးပါခြင်း

• မခံမရပ်နိုင်အောင်နာခြင်း

• ဆီး၊ဝမ်းမထိန်းနိုင်ခြင်း

***အထက်ပါလက္ခဏာတွေပြနေရင်တော့ဆရာဝန်နဲ့ဆွေးနွေးပြသသင့်ပါတယ်***

ဘာလို့ခါးကြောညပ်တာလဲ? အာရုံကြောကိုဘယ်လိုထိခိုက်မိစေတာလဲ?

– ခါးဆစ်အရိုးနုအဝိုင်းလေးကျွံပြီး အာရုံကြောကိုဖိမိတာ

– အရိုးအတတ်ထွက်ပြီး ဖိမိတာ

– အကျိတ်၊ကင်ဆာတို့က ဖိမိတာ

– ခါးဆစ်ရိုးလမ်းကြောင်း ကျဥ်းလာတာ

– ကိုယ်ဝန်ဆောင်နေချိန် ကြီးထွားလာတဲ့သားအိမ်ကအာရုံကြောကို ဖိမိနိုင်တာ

– တင်ပဆုံနဲ့တင်ပါးနားကကြွက်သားတွေ လှုပ်ရှားမှုများပြီး Sciatic nerve ကိုထိခိုက်မိတာ

တခြားဘယ်သူတွေရောအာရုံကြော ညပ်နိုင်ချေရှိသလဲ?

• အသက်ကြီးသူများ ( အရိုးအတတ်ထွက်ခြင်း၊ ခါးရိုးဆစ်လမ်းကြောင်းကျဥ်းခြင်းပိုဖြစ်နိုင် )

• အဝလွန်သူများ

• ဆီးချိုရောဂါရှိသူများ

• ဆီးချိုကြောင့် အာရုံကြောပျက်ဆီးသူများ

• ဒေါက်ဖိနပ် စီးတာများသူများ

• အလေးအပင်မကြာခဏ မရသူများ

• အထိုင်များသူများ (ဥပမာ-ကားမောင်းသူများ၊ ထိုင်တဲ့ပုံစံမမှန်သူများ)

• အရမ်းမာလွန်း၊အရမ်းပျော့လွန်းသောအိပ်ရာ၊မွေ့ရာနှင့်အိပ်သောသူများ

• ဆေးလိပ်သောက်သူများ

ခါးကြောညပ်တာကိုဘယ်လိုကုသကြမလဲ?

– မိမိဘာသာအိမ်မှာပဲအနာသက်သာအောင် ရေခဲဝတ်လေး (သို့) ရေနွေးဝတ်ကပ်ပေးပါ

– အကိုက်အခဲပျောက်ဆေးသောက်လို့ရပါတယ် ( ဥပမာ-ပါရာစီတမောလ် )

– အကြောလျော့လေကျင့်ခန်းကို ညင်ညင်သာသာလုပ်ပေးလို့ရပါတယ်

*** ဒီနည်းလမ်းတွေနဲ့မှ အနာမသက်သာလာဘူး ပိုဆိုးလာတယ်ဆိုရင်တော့ ဆရာဝန်နဲ့ပြန်ပြသပါ ***

ခါးကြောမညပ်အောင်ဘယ်လိုကာကွယ်ကြမလဲ?

• လေ့ကျင့်ခန်းပုံမှန်လုပ်ပေးပါ။

• ထိုင်တဲ့အခါပုံစံတကျထိုင်ပါ။
( ဥပမာ-ခါးမတ်မတ်ထိုင်ပါ )

• အထိုင်အထ၊ ပစ္စည်းမတာ၊ ကုန်းပြီးပစ္စည်းယူတာ ကောက်တာ စတဲ့ခန္ဓာကိုယ်လှုပ်ရှားမှုတွေကိုသတိထားပြီး ပုံစံတကျလှုပ်ရှားပါ။
( ခါးကို မကုန်းုန်းဘဲ ဒူးကွေး ဒူးညွှတ်ပြီး မပါ )

• ခါးလိမ်ပြီးလှုပ်ရှားတာမျိုး၊ အလေးမတာမျိုး ရှောင်ကြဥ်ပါ။

Reference ????
https://www. mayoclinic .com
https://www. webmd .com
https://www. nhs .com

❤️ NUG, MOH တယ်လီကျန်းမာ ၊ လူတိုင်းအတွက်ပါ ❤️

???? တယ်လီကျန်းမာတွင် ဆရာဝန်များနှင့် အွန်လိုင်းမှ အခမဲ့တိုင်ပင်ဆွေးနွေးနိုင်ပါသည်
*** ပိတ်ရက်မရှိပါ ***

ကြိုတင်ဘိုကင်ယူရန်အတွက်( https://m.me/telehealthmm )ကို နှိပ်ပါ
( နေ့စဉ် မနက် ၈နာရီမှ ည၁၀နာရီအထိ )

#nugmoh#telehealth#telemedicine
#teleconsultation#တယ်လီကျန်းမာ
#sciatica#ခါးကြောညပ်ခြင်

Ministry of Health,

National Unity Government.

Published on: 14 December 2022
Last Updated: 14 December 2022

ဆက်စပ်ရာ ကျန်းမာရေးဆောင်းပါးများ

စိတ်ဒဏ်ရာကြောင့် စကားမပြောနိုင်ခြင်း Traumatic Mutism

ငလျင်ကြီးလိုမျိုး အပြင်းအထန် တုန်လှုပ်မှုတွေ ဖြစ်ပြီးတဲ့နောက်မှာ ကလေးငယ်တွေ စကားမပြောနိုင်တော့တာက တကယ်ဖြစ်တတ်တဲ့ အခြေအနေတစ်ခုပါပဲဒါကို "စိတ်ဒဏ်ရာကြောင့် စကားမပြောနိုင်ခြင်း (Traumatic Mutism)" လို့ ခေါ်ကြပါတယ်။အခုကတော့ ငလျင်ပြီးနောက်ဖြစ်တာမို့ "Post-earthquake Mutism " လို့ သတ်မှတ်ပါတယ် ။ ဒီ Topic ဟာ ကျွန်မ...

ကလေးငယ်များနှင့် ငလျင်ကြောက်စိတ်

"ကလေးငယ်များနှင့် ငလျင်ကြောက်စိတ်" စိတ်မချမ်းမြေ့စရာ ငလျင်သတင်းတွေနဲ့ အတူ ကျွန်မတို့ဟာ မိနစ်တိုင်းစက္ကန့်တိုင်းနီးပါး စိတ်မသက်မသာဖြစ်မှုကို ခံစားနေကြရပါတယ်။ ရှင်သန်သူတွေမှာလည်း ရှင်သန်သူအလျောက် ၊ ငလျင်ဒဏ်မခံလိုက်ရပေမယ့် တက်လာတဲ့သတင်းတွေဖတ်ပြီး ကိုယ်သာ အဲ့နေရာမှာဆိုရင်စတဲ့ ကိုယ်ချင်းစာစိတ်တွေကြောင့် ရင်မောနေသူတွေဟာလည်း ဒီနိုင်ငံမှာ လူလာဖြစ်ရတာ ကံဆိုးလှချည်ရဲ့လို့ပင် မငြီးငြူနိုင်တော့လောက်အောင် ဝေဒနာမီးဟာ ကူးစက်မြန်ပါတယ် ။ ပြိုကျသွားတဲ့...

ခက်ခက်ခဲခဲကျော်ဖြတ်ကြရဦးမယ့် Survivor Guilt 

ငလျင်ဘေးအပြီးမှာ အသက်ရှင်ကျန်ရစ်သူတွေ ခံစားရတတ်တဲ့ survivor guilt ဆိုတာဟာ အလွန်ကိုမှ ပင်ပန်းခက်ခဲလှတဲ့ စိတ်ပိုင်းဆိုင်ရာ အခြေအနေတစ်ခုပါ။  တကယ်တော့ ငလျင်ကပ်ဘေးရယ်လို့မှ မဟုတ်ပါဘူး ကျွန်မတို့တစ်နိုင်လုံးအတိုင်းအတာနဲ့ကတော့ အကြမ်းဖက်မှုတွေ ၊ စစ်ပွဲတွေ ၊ တိုက်ခိုက်မှုတွေ စတဲ့ အဖြစ်အပျက်ဆိုးတွေကနေ ရှင်ကျန်ခဲ့ရသူတွေမှာလည်း ဒီ survivor guilt ကို...

ငလျင်နောက်ဆက်တွဲ မူးဝေခြင်း Earthquake Drunk

ဒီနေ့ဆိုရင် ငလျင်ကြီးပြီး ၅ ရက် မြောက်ပါ။ ၇.၇ အားနဲ့ ငလျင်ကြီးကတော့ လှုပ်လို့ပြီးသွားပေမယ့် ကျွန်မတို့အများစုကတော့ ကိုယ်ရော စိတ်ပါ ရိုက်ခတ်မှုတွေ ရှိနေတုန်း ဖြစ်နေကြမှာပါ။ တယ်လီကျန်းမာမှာ ရှိတဲ့ ဆရာ၊ ဆရာမတွေကလည်း ငလျင်နောက်ဆက်တွဲ ကိုယ်ကျန်းမာရေး စိတ်ကျန်းမာရေး ပြဿနာတွေ ကုသ တိုင်ပင်ပေးဖို့...