ခါးရိုးဆစ် ကျီးပေါင်းတက်ခြင်း (Lumbar Spondylosis)

????အသက်အရွယ်ကြီးလာတာနဲ့အမျှ ခါးဆစ်ရိုး ပုံပျက်ယိုယွင်းခြင်း၊ ခါးဆစ်ရိုးကြားရှိ အရိုးနုပြား ယိုယွင်းပျက်စီးခြင်းတွေ ဖြစ်လာပြီး ခါးဆစ်ရိုးနှင့် တွယ်ဆက်တစ်သျှူးများကိုဒဏ်ဖြစ်စေပြီးနောက်ပိုင်းတွင် ခါးရိုးတောင့်တင်း နာကျင်တာတွေ ဖြစ်စေပါတယ်။ ချောမွေ့နေရမယ့် ခါးရိုးအနားသတ်တွေမှာ အပိုဖြစ်လာတာ၊ ခါးရိုးဆစ်၊ ခါးရိုးနုပြားတွေ ယိုယွင်းလာတာကို ခါးရိုးကျီးပေါင်းတက်ခြင်း ( lumbar spondylosis ) လို့ ခေါ်ပါတယ်။

????Lumbar spondylosis သည် အသက်ကြီးသူများတွင် အဖြစ်များပြီး ခါးဆစ်ရိုးကို ဝန်ပိစေသော အလုပ်လုပ်ရသူများ၊ ခါးဆစ်ရိုးကို အသုံးများသူများ၊ ခါးအကွေးအဆန့် အလုပ်များသူများနှင့် ခါးဆစ်ရိုးကို ဒဏ်ဖြစ်ဖူးထားသူများတွင် ပို၍အဖြစ်များပါတယ်။ အသက်ရလာလေလေ lumbar spondylosis ဖြစ်နိုင်ခြေ ပိုများလာလေ ဖြစ်ပါတယ်။

????Lumbar spondylosis တွင် အဖြစ်များသော ရောဂါလက္ခဏာများကတော့…..

* ကျောရိုးနာကျင်ခြင်း၊ ထုံကျင်ခြင်း

* လှုပ်ရှားရခက်ခဲခြင်း

* ကျောရိုးအောက်ပိုင်းနှင့် ခြေထောက်တစ်လျှောက် နာကျင်ခြင်း

* အာရုံကြောနှင့် ကြွက်သား အားနည်းခြင်းတို့အပြင်

* ခါးရိုးနုပြား ကျွံခြင်းစသည့် နောက်ဆက်တွဲဆိုးကျိုးများလည်း ခံစားရနိုင်ပါတယ်။

????Lumbar spondylosis ကို ဖြစ်စေတဲ့ အကြောင်းအရင်းများကတော့….

* အသက်အရွယ် ကြီးရင့်လာခြင်း

* မျိုးရိုးလိုက်ခြင်း

* ကျောရိုးထိခိုက်ဒဏ်ရာရထားဖူးခြင်း

* ခါးရိုးဆစ် အသုံးများခြင်း

* ကိုယ်အနေအထားကို မပြောင်းပဲ အကြာကြီးနေတတ်ခြင်းတို့ ဖြစ်ပါတယ်။

????Lumbar spondylosis ကို ဘယ်လိုကုသကြမလဲ

* ပေါ့ပေါ့ပါးပါး ကိုယ်လက်လှုပ်ရှားလေ့ကျင့်ခန်းများ လုပ်ခြင်း

* ခါးရိုးကို ဒဏ်ဖြစ်စေမယ့် အရာတွေကို ရှောင်ကာ အနားယူခြင်း

* နာတဲ့နေရာကို ရေနွေးအိတ်ကပ်ခြင်း၊ lumbar support ပေးတဲ့ ခါးစည်းစည်းခြင်း

* အဝလွန်သူများတွင် ခါးရိုးဆစ်ကို ပိုဒဏ်ဖြစ်စေနိုင်၍ ကိုယ်အလေးချိန်ကို ပုံမှန်ထိန်းခြင်း

* NSAIDs, Opioid စတဲ့ အကိုက်အခဲပျောက်ဆေးများကို ဆရာဝန်ညွှန်ကြားချက်နဲ့ သောက်သုံးခြင်း

* ဆရာဝန်ညွှန်ကြားတဲ့ လေ့ကျင့်ခန်း ( physiotherapy ) ပြုလုပ်ခြင်းနှင့်

* လိုအပ်လာရင်တော့ ခွဲစိတ်မှု ပြုလုပ်ရန် လိုအပ်ပါတယ်။

????ရောဂါဝေဒနာတွေက မသက်သာဘဲ အချိန်ကြာရှည်ခံစားနေရပါက အရိုးအကြောအဆစ်နှင့် ထိခိုက်ဒဏ်ရာ ခွဲစိတ်အထူးကုဆရာဝန်ဖြင့် ဆွေးနွေးကုသသင့်ပါတယ်။

Reference ????

Murtagh,J , 2016. Murtagh’s patient education. 6th Ed. Australia:Mcgraw-Hill Australia,pp.205

❤️ NUG, MOH တယ်လီကျန်းမာ ၊ လူတိုင်းအတွက်ပါ ❤️

????တယ်လီကျန်းမာတွင် ဆရာဝန်များနှင့် အွန်လိုင်းမှတစ်ဆင့် အခမဲ့ တိုင်ပင်ဆွေးနွေးနိုင်ပါသည်။

*** ပိတ်ရက်မရှိပါ ***

ကြိုတင်ဘိုကင်ယူရန်အတွက် တယ်လီကျန်းမာ messenger ကို ဆက်သွယ်ပါ။

https://m.me/telehealthmm

( နေ့စဉ်မနက် ၈နာရီမှ ည၁၀နာရီအထိ )

Ministry of Health,

National Unity Government.