“သားပိုက်ကောင် ပြုစုစောင့်ရှောက်မှု”
ကလေးငယ်လေး မိခင်ဝမ်းကထွက်လာပြီးနောက် ကလေးကို မိဘ၊ အဘိုး၊ အဘွားတို့ရဲ့ ရင်ဘတ်ပေါ်တင်ပေးပြီး အရေပြားအချင်းချင်း ထိတွေ့မှုလုပ်ပေးခြင်းကို သားပိုက်ကောင် ပြုစုစောင့်ရှောက်မှု (kangaroo care) လို့ ခေါ်ပါတယ်။
ဒီလိုမျိုး အရေပြားအချင်းချင်း ထိတွေ့မှုရှိခြင်းဟာ မိဘနဲ့ ကလေးအကြား သံယောဇဉ်တိုးစေခြင်း၊ လမစေ့ကလေးငယ်များ သေဆုံးနှုန်းကျဆင်းစေခြင်း အစရှိတဲ့ အကျိုးကျေးဇူးများစွာ ရရှိစေနိုင်တဲ့အတွက် ဒီနည်းလမ်းကို ကျင့်သုံးလာကြတာပါ။
.
.
????သားပိုက်ကောင်ပိုက်နည်း ဖြစ်ပေါ်လာပုံ
သားပိုက်ကောင်ပိုက်နည်းကို ၁၉၇၀ ခုနှစ်မှာ ကိုလံဘီယာနိုင်ငံ၊ ဘိုဂတားမြို့ ဆေးရုံတစ်ရုံရှိ ဆရာဝန် ၂ ဦးက လမစေ့ဘဲမွေးဖွားခဲ့တဲ့ ကလေးတွေရဲ့ သေဆုံးနှုန်းကိုကျဆင်းစေဖို့ စတင်တွေ့ရှိ ကျင့်သုံးခဲ့တာ ဖြစ်ပါတယ်။ အခုခေတ်မှာတော့ မွေးဖွားချိန်မှာ လမပြည့်တဲ့ကလေးရော၊ နေ့စေ့လစေ့ ကလေးတွေမှာပါ ကျင့်သုံးလာကြပါတယ်။
.
.
????သားပိုက်ကောင်ပိုက်နည်း ပွေ့ဖက်ခြင်းဖြင့်-
➤ မွေးကင်းစကလေးတွေရဲ့ နှလုံးခုန်နှုန်းနဲ့ အသက်ရှူနှုန်းတို့ကို မှန်ကန်စေတဲ့အပြင် သွေးတွင်းအောက်ဆီဂျင်ပမာဏကိုလည်း ကောင်းမွန်စေပါတယ်။
➤ မိဘနဲ့ကလေးကြား ခင်တွယ်မှုတိုးစေတာမို့ ဖေဖေနဲ့မေမေရဲ့ အသံတွေကိုမှတ်မိစေပြီး သံယောဇဉ် ပိုတိုးစေပါတယ်။
➤ မိခင်ရဲ့ရင်ခွင်ထဲ ထွေးပွေ့ထားတာက “သက်ရှိအနွေးပုခက်” လိုမျိုးဖြစ်စေပြီး လုံခြုံနွေးထွေးမှုနဲ့ စိတ်သက်သာရာ ရစေတာမို့ ကလေးကို နှစ်ခြိုက်စွာ အိပ်ပျော်စေပါတယ်။
➤ မိခင်နဲ့ ကလေးရဲ့ အသားချင်းထိတွေ့မှုက ကလေးရဲ့ ကိုယ်အပူချိန်ကို ထိန်းညှိပေးပါတယ်။ ဒါကြောင့် ကလေးအနေနဲ့ ကိုယ်အပူချိန်ကို ထိန်းညှိဖို့ စွမ်းအင်အများကြီး မလိုတော့ဘဲ ခန္ဓာကိုယ်ကြီးထွားဖွံ့ဖြိုးဖို့ စွမ်းအင်ပိုရလာပါတယ်။
➤ မိခင်ရဲ့ဝမ်းဗိုက်ပေါ်မှာ ရှိနေစဉ် မေမေ့ချိုချိုကို အလွယ်တကူရှာတွေ့ကာ မိခင်နို့ရည်ကို အလွယ်တကူ တိုက်ကျွေးနိုင်ပါတယ်။ နို့ထွက်နှုန်းကိုလည်း ပိုများစေတာမို့ ကလေးအတွက်သာမက မိခင်ကိုပါ နေထိုင်ကောင်းစေနိုင်ပါတယ်။
..
..
????သားပိုက်ကောင်ပိုက်နည်းကို ဘယ်လိုမှန်ကန်စွာ ကျင့်သုံးမလဲ
– မိခင်တွေအနေနဲ့ ဘရာလိုမျိုး အတွင်းခံ မဝတ်ဆင်ဘဲ သက်တောင့်သက်သာရှိတဲ့ ရှေ့ကြယ်သီးတပ် အဝတ်အစား ဝတ်ဆင်ပါ။
– ကလေးကို သေးခံ၊ ဦးထုပ်၊ ခြေအိတ်၊ လက်အိတ်ပဲ ဝတ်ဆင်ပေးပြီး အမေ့ရင်ခွင်ပေါ် မှောက်လျက်အနေအထားနဲ့ ကလေးကို တင်ပါ။
– ရင်ဘတ်ချင်းထိတဲ့အခါ ကလေးကျောပြင်ကို စောင်နဲ့အုပ်ထားပေးပါ။
– တိတ်ဆိတ်ငြိမ်သက်တဲ့ အနေအထားမှာ မီးတွေမှိတ်ပြီး ကလေးနဲ့မေမေ အတူတူအနားယူပါ။
????သတိထားစရာတွေကတော့
သားပိုက်ကောင် စောင့်ရှောက်မှုမလုပ်ခင်. . .
• လျှပ်စစ်ပစ္စည်း၊ ဖုန်း စတာတွေကြောင့် အနှောင့်အယှက်မဖြစ်စေဖို့ အဝေးမှာထားပါ။
• မိခင်မှာ အရေပြားရောဂါနဲ့ ထိခိုက်ဒဏ်ရာရှိနေရင် မလုပ်သင့်ပါ။
• ဆေးလိပ်သောက်ခြင်းကို ရှောင်ကြဉ်ပါ။
• မိခင်ဖျားနေရင် ကလေးဆီ ရောဂါပိုးကူးစက်နိုင်တာမို့ နီးစပ်ရာ ကျန်းမာရေးဝန်ထမ်းတွေဆီက အကြံဉာဏ်ရယူပါ။
သားပိုက်ကောင်စောင့်ရှောက်မှုကို မွေးပြီးပြီးချင်း ၂ နာရီအတွင်း ပြုလုပ်ပေးရင် ကလေးအတွက် အလွန်အကျိုးရှိပါတယ်။ အဲဒီနောက် နေ့စဉ် (သို့) တစ်ပတ် ၄ ကြိမ်ခန့် အဆင်ပြေသလို ထွေးပွေ့နေပေးလို့ရပါတယ်။ .
သားပိုက်ကောင်ပိုက်နည်းကို မေမေတွေသာမက ဖေဖေ၊ ဘိုးဘိုးနဲ့ ဘွားဘွားတို့ပါ ပြုလုပ်နိုင်ပြီး ကလေးငယ်နဲ့အတူ နေပေးလို့ရပါတယ်။
????Reference
https:// my. clevelandclinic. org /health/treatments/12578-kangaroo-care
❤️NUG, MOH တယ်လီကျန်းမာ၊ လူတိုင်းအတွက်ပါ ❤️
????တယ်လီကျန်းမာတွင် ဆရာဝန်များနှင့် အွန်လိုင်းမှတစ်ဆင့် အခမဲ့ (အခမဲ့) တိုင်ပင်ဆွေးနွေးနိုင်ပါသည်။
*** ပိတ်ရက်မရှိပါ ***
ကြိုတင်ဘိုကင်ယူရန်အတွက် တယ်လီကျန်းမာ messenger ကို ဆက်သွယ်ပါ။
(နေ့စဥ် မနက် ၈ နာရီမှ ည ၁၀ နာရီအထိ)
Ministry of Health,
National Unity Government.
