အခုဆိုရင် နှစ်ကုန်ခါနီး ခရစ်စမတ်ကာလ၊ အားလပ်ရက်ကာလဖြစ်တာမို့ ချစ်ခင်ရသူတွေကို အမှတ်တရဖြစ်မယ့်အရာ တစ်ခုခုလက်ဆောင်ပေးဖို့ ပြင်ဆင်နေကြမယ်လို့ ထင်ပါတယ်။
ဒီနေ့ပြောပြသွားမယ့် အကြောင်းအရာက ပေးကမ်းခြင်း၊ လက်ခံရယူခြင်းနောက်ကွယ်က ကျွန်တော်တို့ရရှိနိုင်တဲ့ စိတ်ပိုင်းဆိုင်ရာ၊ အပြုအမူပိုင်းဆိုင်ရာ အကျိုးကျေးဇူးတွေပဲ ဖြစ်ပါတယ်။
???? ပေးကမ်းခြင်း အပြုအမူလေးနောက်ကွယ်မှာ…
❀ ကိုယ်တိုင် ပျော်ရွှင်မှုကို ခံစားရတယ်။
လက်ဆောင်ပေးလိုက်ရတဲ့အခါ ဦးနှောက်ရဲ့ စိတ်ကျေနပ်မှုကိုဖြစ်စေတဲ့ လျှပ်စီးပတ်လမ်းက လှုံဆော်ခံရပြီး စိတ်ခံစားမှုကောင်းစေတဲ့ ဟော်မုန်းလေးတွေ ထွက်လာစေပါတယ်။
..
❀ ကျန်းမာရေး ကောင်းမွန်ဖို့ အထောက်အကူပြုတယ်။
ဘယ်လိုများလဲဆိုရင်တော့ – ကျန်းမာရေး ပြဿနာအများစုရဲ့ ဓာတ်ကူပစ္စည်းလို့ ပြောလို့ရတဲ့ စိတ်ဖိစီးမှု(stress)ကို လျော့ကျစေလို့ပါပဲ။
..
❀ လူမှုဆက်ဆံရေးကို ကောင်းမွန်စေတယ်။
လေ့လာတွေ့ရှိချက်တွေအရ တန်ဖိုးဖြတ်မရတဲ့ ပေးချင်စိတ်ဆိုတဲ့ စေတနာကို ခံစားရတဲ့အခါ တစ်ဦးနှင့်တစ်ဦး ရင်းနှီးမှုတွေ ပိုတိုးလာစေပါတယ်။
..
❀ အပြုံးတွေ ကူးစက်လွယ်သလို လက်ဆောင်ပေးခြင်းအပြုအမူက တစ်ဦးနှင့်တစ်ဦး ကူးစက်စေပါတယ်။
လက်ခံရရှိသူအနေနဲ့လည်း စေတနာကိုတုန့်ပြန်ဖို့ လက်ဆောင်ပြန်ပေးရင်း ချစ်ခြင်းမေတ္တာတွေ ကူးစက်စေပါတယ်။
…
…
???? လက်ဆောင်ပေးတယ်ဆိုတဲ့အခါမှာ ငွေကြေး၊ ရုပ်ဝတ္ထုပစ္စည်းတွေသာမက တခြားအသိအမှတ်ပြု လက်ဆောင်လေးတွေလည်း ပေးလို့ရပါတယ်။
ချစ်ရတဲ့သူတွေကို အချိန်ပေးတာ (ကော်ဖီဆိုင်၊ စာအုပ်ဆိုင်ခေါ်သွားပေးတာ)
အမှတ်တရ ဖိုတိုအယ်လ်ဘမ်၊ ဗီဒီယို ဖန်တီးပေးတာ
တစ်စုံတစ်ယောက်ရဲ့ ခံစားချက်ကို အလေးထား နားထောင်ပေးတာ
နှစ်သက်တဲ့ စာတို၊ ကဗျာ၊ သီချင်းလေးတွေ ပို့ပေးတာကဲ့သို့ ငွေကြေးတန်ဖိုးမကြီးမားပေမယ့် အချိန်၊ ခွန်အား၊ စိတ်စေတနာစတဲ့ မမြင်နိုင်တဲ့ တန်ဖိုးတွေများစွာ ရှိနေတတ်ပါတယ်။
✨ အဓိပ္ပာယ်ပြီးပြည့်စုံတဲ့ လက်ဆောင်တစ်ခုဖန်တီးခြင်းက “အချစ်ဘာသာစကား (love language)”တစ်ခုဖြစ်သလို “အနုပညာတစ်ရပ်”ပါပဲ။ လက်ဆောင်ပေးသူအနေနဲ့ ဒီအခိုက်အတန့်မှာ ဝမ်းသာခြင်း၊ ကျေနပ်အားရခြင်း စတဲ့ပီတိကို ဟော်မုန်းတွေကတစ်ဆင့် အပြည့်အဝ ခံစားရစေပါတယ်။
…
…
???? ကလေးဘဝကတည်းက ကျွန်တော်တို့ဟာ ပေးကမ်းမျှဝေတတ်ဖို့ သင်ယူခဲ့ရပေမယ့် လက်ခံတတ်ဖို့၊ အသိအမှတ်ပြုတတ်ဖို့ကို မေ့လျော့လေ့ရှိကြပါတယ်။
???? လက်ခံရယူခြင်းအနုပညာ-
ရုပ်ဝတ္ထုပစ္စည်း၊ ငွေကြေး၊ ချစ်ခြင်းမေတ္တာ၊ ဂရုစိုက်မှု ဘယ်အရာတွေပဲဖြစ်ဖြစ် လက်ခံရရှိတဲ့အခါ အကောင်းဆုံး အသိအမှတ်ပြုပေးသင့်ပါတယ်။
တစ်ခါတစ်လေမှာ ကိုယ့်အတွက် အသုံးမဝင်တာ၊ ကိုယ်မနှစ်သက်တာ ဖြစ်နိုင်ပေမယ့် လက်ခံရရှိတဲ့အရာနောက်ကွယ်မှာ မမြင်နိုင်တဲ့ ကြိုးစားအားထုတ်မှုတွေ၊ အချိန်တွေ၊ အလေးထားမှုတွေ ရှိနေတတ်ပါတယ်။
ဒါကြောင့်… စာရေးသူကိုယ်တိုင်လည်း လက်ဆောင်တစ်ခုရရင် ဒီအရာပေးဖို့စဉ်းစားမိတဲ့ အတွေးလေးကို သေချာမေးလေ့ရှိပြီး စဉ်းစားပေးတဲ့ အချိန်နဲ့ အတွေးတစ်ခုချင်းစီကို သေချာအသိအမှတ်ပြု ကျေးဇူးတင်လေ့ရှိပါတယ်။
✨ အခုလိုအသိအမှတ်ပြုခြင်းဖြင့် နှစ်ဦးနှစ်ဖက် ခင်မင်မှုသံယောဇဉ်တိုးစေပြီး အကြည်ဓာတ်လေးနဲ့ စိတ်ကိုနွေးထွေးစေပါတယ်။
..
“တစ်ဦးနှင့်တစ်ဦး အသိအမှတ်ပြု ချီးမွမ်းခြင်း”ကို
“words of affirmation” လို့ခေါ်ပြီး အချစ်ဘာသာစကား (five love languages) ထဲက တစ်ခုဖြစ်ပါတယ်။
☘︎︎ အသိအမှတ်ပြုခံရခြင်းဟာ လူသားတွေအတွက် အခြေခံလိုအပ်ချက်တစ်ခုလို့ တင်စားကြပါတယ်။
အသိအမှတ်ပြုခံရခြင်းဖြင့် ကိုယ့်ကိုယ်ကိုယ် ယုံကြည်မှု (self-confidence) သာမက တန်ဖိုးထားမှု၊လေးစားမှု (self-esteem)ကိုလည်း မြှင့်တင်ပေးပါတယ်။
လမ်းပျောက်နေသူ၊ စိတ်ပိုင်းဆိုင်ရာ ပြိုလဲနေသူတစ်ယောက်အတွက် အရေးပါတဲ့သူတစ်ဦးဆီက အသိအမှတ်ပြုခံရခြင်းဟာ အရာရာကိုပြန်ရင်ဆိုင်ဖို့ ခွန်အားတစ်ခုဖြစ်စေမှာပါ။
☘︎︎ ကိုယ့်ဘေးနားမှာ အသိအမှတ်ပြု နှစ်သိမ့်တတ်သူတစ်ယောက်ရှိရင်ကို ကံကောင်းလွန်းလှပါတယ်။ ဒီအတွက်လည်း တန်ဖိုးထားပြီး အမြဲကျေးဇူးတင်ဖို့ တိုက်တွန်းပါတယ်နော်။
…
…
ကမ္ဘာ့ကျန်းမာရေးအဖွဲ့ကြီး(WHO)ရဲ့ အဓိပ္ပာယ်ဖွင့်ဆိုချက်အရ-
“ပြီးပြည့်စုံသော ကျန်းမာခြင်းဆိုသည်မှာ အနာ၊ရောဂါဝေဒနာ ကင်းရှင်းရုံသာမက…
✨ ကိုယ်ကျန်းမာခြင်းနှင့်ပြည့်စုံခြင်း
✨ စိတ်ချမ်းသာမှုရှိခြင်း
✨ ပတ်ဝန်းကျင်နှင့် ပေါင်းသင်းဆက်ဆံမှုအဆင်ပြေကောင်းမွန်ခြင်း” တို့ဖြစ်ပါတယ်။
ပေးကမ်းခြင်း (giving) နှင့် လက်ခံရယူခြင်း(receiving) ကိုမျှတစွာဖြင့် ချစ်ခြင်းမေတ္တာ၊ ကရုဏာလွှမ်းခြုံသော လူမှုဆက်ဆံရေးများ ဖန်တီးနိုင်ကြပါစေ။????
???? Reference
https://www. conehealth .com/services/behavioral-health/4-health-benefits-of-giving-to-others-/
https://jedfoundation .org/news-views/the-mental-health-benefits-of-giving-and-receiving/
❤️ NUG, MOH တယ်လီကျန်းမာ ၊ လူတိုင်းအတွက်ပါ ❤️
????တယ်လီကျန်းမာတွင် ဆရာဝန်များနှင့် အွန်လိုင်းမှတစ်ဆင့် အခမဲ့ တိုင်ပင်ဆွေးနွေးနိုင်ပါသည်။
*** ပိတ်ရက်မရှိပါ ***
ကြိုတင်ဘိုကင်ယူရန်အတွက် တယ်လီကျန်းမာ messenger ကို ဆက်သွယ်ပါ။
( နေ့စဉ်မနက် ၈နာရီမှ ည၁၀နာရီအထိ )
Ministry of Health,
National Unity Government.
