မျက်စိရောဂါတစ်မျိုး (Eye Floater)
Eye Floater ဆိုတာ ဘာလဲ 
Eye Floater ဆိုတာ မျက်လုံးထဲမှာရှိတဲ့ ဂျယ်လီလိုအရည်တစ်မျိုး (vitreous humor) ဟာ အကြောင်းအမျိုးမျိုးကြောင့် အရည်ပျော်လာပြီး၊ ဂျယ်လီလိုမနေ တော့ဘဲ အရည်ဖြစ်သွားတဲ့အခါ အထဲမှာရှိတဲ့ အမှုန်အမွှားလေးတွေ အချောင်းလေးတွေကို မြင်နေရတာမျိုးပါ။
ကိုယ့်မြင်ကွင်းထဲမှာ အမည်း (ဒါမှမဟုတ်) ခဲရောင် အချောင်းလေးတွေကို မြင်နေရတတ်ပါတယ်။
အထူးသဖြင့် အဖြူရောင်နဲ့ အပြာနုရောင်လိုမျိုး အရောင်ဖျော့တွေကိုကြည့်ရင် အမည်းရောင်အချောင်းတွေ တွေ့ရတာ ပိုသိသာတယ်လို့ ဆိုပါတယ်။
အရပ်ထဲမှာတော့ မျက်လုံးထဲ အမည်းချောင်းလေးတွေ အမြဲမြင်နေရတယ်… မျက်လုံးဆရာဝန်ပြလည်း မသက်သာဘူးဆိုတဲ့ မျက်စိရောဂါလို့ လူသိများပါတယ်။
..
..
Eye Floater က ဘယ်သူလူတွေ အဖြစ်များလဲ
(၁) အသက်ကြီးတဲ့သူ
(၂) ဆီးချိုရှိတဲ့သူ
(၃) အကြောင်းအမျိုးမျိုးကြောင့် မျက်လုံးခွဲစိတ်ထားတဲ့သူ၊ မျက်လုံး ထိခိုက်ဒဏ်ရာရထားတဲ့သူ
(၄) မျက်စိ အနီးမှုန်သူ
(၅) မျက်လုံး ရောင်ရမ်းတတ်တဲ့သူ…. စတဲ့သူတွေမှာ အဖြစ်များပါတယ်။
..
..
Eye Floater ကုသလို့ရလားနောက်ပိုင်းဆိုးကျိုးဘာရှိလဲ
Eye floater ပျောက်စေတဲ့ eye drop / သောက်ဆေးတော့မရှိပါ။
Eye floater ဟာ အရှင်းပျောက်သွားတယ်လို့ မရှိတဲ့အတွက် လူနာတွေအနေနဲ့ အစပိုင်းမှာ စိတ် ကသိကအောင့် ဖြစ်တတ်ကြပေမယ့် အချိန်တစ်ခုကြာလာတဲ့အခါ နေသားကျသလို ဖြစ်လာတတ်ပါတယ်။
..
..
Eye Floater ဖြစ်ရင် မျက်စိဆေးခန်းပြဖို့လို့လား
ဆေးခန်းပြကိုပြရပါမယ်….
မြင်လွှာ ကွာကျတဲ့ရောဂါဟာ မျက်စိကွယ်တဲ့အထိ ဖြစ်နိုင်သလို Eye floater နဲ့ လက္ခဏာဆင်တူတတ်တာမို့ လိုအပ်တဲ့ မျက်လုံးစစ်ဆေးတာ၊ ရက်ချိန်းမှန်မှန်ပြတာတွေလုပ်ပြီး သေချာ ကုသမှုခံယူရပါမယ်။
..
..
ဘယ်ချိန် ဆရာဝန်ဆီပြန်ပြသင့်လဲ
• မြင်နေရတဲ့ အမည်းစင်းတွေက ပိုများလာတဲ့အခါ….
• ရုတ်တရတ် Eye floater အသစ်တွေ တွေ့တဲ့အခါ….
• မျက်လုံးထဲ ရုတ်တရတ် မှောင်လာတာ
• အမည်းကွက် (ဒါမှမဟုတ်) အလင်းအလက်တွေ တွေ့တာ….. စတာတွေ ဖြစ်လာပြီဆိုရင် မျက်စိဆရာဝန်နဲ့ ချက်ချင်း ပြန်ပြပေးရပါမယ်။
..
..
Eye floater ဖြစ်နေတဲ့သူအနေနဲ့ ကိုယ့်မျက်လုံးကို ဘယ်လိုတွေ ယုယစောင့်ရှောက်သင့်လဲ
အထက်မှာပြောခဲ့သလို Eye floater အတွက် တိကျတဲ့ ပေးစရာဆေး မရှိပေမယ့်၊ ကိုယ့်မှာ Eye floater ရောဂါရှိနေတယ်ဆိုရင် ….
– ကိုယ့်မျက်လုံးလေးတွေကို ပုံမှန်လူတွေထက်ပိုပြီး ဂရုစိုက်ပေးရပါမယ် ….
– Screen Time (TV / Phone /Laptop) ကြည့်တာလျှော့ရပါမယ် ….
– နေပူထဲထွက်တဲ့အခါနဲ့ အပြင်ထွက်တဲ့အခါ…. UV protection ပါတဲ့ နေကာမျက်မှန် (ဒါမှမဟုတ်) ထီးဆောင်းပေးပါ….
– မျက်လုံးခြောက်ရင် မျက်ရည်တုထည့်ပေးတာမျိုးလုပ်ပေးလို့ရပြီး…
– မျက်လုံးအားဆေးတချို့ကို ဆရာဝန်နဲ့ တိုင်ပင်ပြီး ညွှန်ကြားတဲ့အတိုင်း သောက်ပေးလို့ရပါတယ်။
Ref : 
https://www.mayoclinic.org/…/symptoms-causes/syc-20372346
NUG, MOH တယ်လီကျန်းမာ ၊ လူတိုင်းအတွက်ပါ
တယ်လီကျန်းမာတွင် ဆရာဝန်များနှင့် အွန်လိုင်းမှ အခမဲ့တိုင်ပင်ဆွေးနွေးနိုင်ပါသည်
*** ပိတ်ရက်မရှိပါ ***
ကြိုတင်ဘိုကင်ယူရန်အတွက်( https://m.me/telehealthmm )ကို နှိပ်ပါ
( နေ့စဥ် မနက် ၈နာရီမှ ည၁၀နာရီအထိ )
#nugmoh#telehealth#telemedicine
#teleconsultation#တယ်လီကျန်းမာ#Telekyanmar
Ministry of Health,
National Unity Government.
Published on: 10 April 2023
Last updated: 10 April 2023